Tydzień polskaha karotkaha dakumientalnaha kino projdzie ŭ Minsku
Tydzień polskaha karotkaha dakumientalnaha kino projdzie z 3 pa 7 kastryčnika ŭ Minsku.
Stowarzyszenie Młodych Twórców — «Ku Teatrowi» i miedyjaprajekt «pARTisan» zaprašajuć na mierapryjemstvy prajekta «Polski dakumientalny film na Biełarusi — hłybinia rezkaści»:
3 kastryčnika
17.00 — prezientacyja almanacha «pARTtisan № 33» i padručnika «Dapamožnik kinadakumientalista» prafiesarki Hražyny Kendzielaŭskaj;
18.00 — ilustravanaja lekcyja «Polskaje karotkamietražnaje dakumientalnaje kino: historyja, i najnoŭšyja filmy na suśvietnych fiestyvalach i na šlachu da Oskara» (častka I).
4 kastryčnika
17.00 — ilustravanaja lekcyja «Polskaje karotkamietražnaje dakumientalnaje kino: historyja, i najnoŭšyja filmy na suśvietnych fiestyvalach i na šlachu da Oskara» (častka II).
5 — 7 kastryčnika
10 — 19.00 — zakrytaja Majstroŭnia karotkamietražnych dakumientalnych filmaŭ «15 chvilin: Biełaruś!».
7 kastryčnika
19.00 — pakaz filma «Čas troch čarapachaŭ» (Czas trzech żólwi), sustreča z hierojami i režysiorkaj.
Padrabiaznuju Prahramu mierapryjemstvaŭ hladzicie tut.
«Hłybinia rezkaści (głębia ostrości, depth of field) — heta adna z padstavovych rečaŭ na zaniatkach dla studentaŭ kinaškoł, — cytujuć arhanizatary znanaha polskaha apieratara i režysiora Jacka Petryckaha. — My chočam z dapamohaj kinasrodkaŭ danieści nie tolki historyju, ale i našy pačućci ad hetaj historyi. Kali my navodzim rezkaść niešta stanovicca haračym… Abo pierastaje być važnym, a potym znoŭ pačynaje mieć značeńnie. Takim čynam akazvajecca, što my kirujem hetym apaviadańniem z dapamohaj hłybini rezkaści.»
Daviedacca pra historyju polskaj dakumientalistyki ŭsie cikaŭnyja zmohuć na ilustravanych lekcyjach «Polskaje karotkamietražnaje dakumientalnaje kino: historyja, i najnoŭšyja filmy na suśvietnych fiestyvalach i na šlachu da Oskara». A stvaralniki almanacha «pARTtisan № 33», całkam pryśviečanaha źjavie dakumientalnaha polskaha kino, prezientujuć u im vybitnych asobaŭ, znakavyja stužki, a taksama šerah prafiesijnych tem, źviazanych niepasredna z pracesam stvareńnia filma.
Atrymać praktyčnyja viedy i asnovy kiniematahrafičnaha majterstva ŭ vykładčykaŭ PWSFTviT (Vyšejšaja Dziaržaŭnaja Škoła Kino, Televizii i Teatra imia Leona Šylera ŭ Łodzi) prafiesijanały(-ki) i amatary(-ki) zmohuć padčas prezientacyi padručnika «Dapamožnik kinadakumientalista» i III Majstroŭni karotkamietražnych dakumientalnych filmaŭ «15 chvilin: Biełaruś!». Za try dni 12 aŭtaraŭ(-ak) raspracujuć svaje kinaprajekty i adšukajuć mahčymaści ich vytvorčaści. Kolkaść udzielnikaŭ abmiežavanaja. Usio nieabchodnaje dla ŭdziełu ŭ Majstroŭni šukajcie tut. Udzieł biaspłatny.
Usie padziei Tydnia polskaha karotkaha dakumientalnaha kino projduć u Pres-kłubie (h. Minsk, vuł. Viery Charužaj 3, ofis 601).
Uvachod volny.
Za padrabiaznaściami i aktualnymi navinami zaprašajem u supołku padziei ŭ Facebook.