U Tałačynskim rajonie piensijanierka zaśpieła na leciščy złodzieja, a toj zabiŭ jaje i zakapaŭ
7 vieraśnia ŭ Tałačynskim rajonie była zabitaja dačnica. Pavodle adnoj ź viersij, u domie jana zaśpieła złodzieja — i toj raspraviŭsia ź piensijanierkaj. Pra heta paviedamlaje UUS Viciebskaha abłvykankama.
U dačny dom da 78-hadovaj piensijaniercy zabraŭsia złodziej. Mužčyna, jakoha złavili na miescy złačynstva, zabiŭ žančynu tronkam rydloŭki.
«Pavodle papiaredniaj infarmacyi, jon pahruziŭ trup na kalosy, advioz u les i zakapaŭ. Nieŭzabavie złamyśnika pa haračych śladach zatrymała milicyja», — paviedamlaje UUS.
U dačynieńni da 31-hadovaha padazravanaha zaviedziena kryminalnaja sprava pa art. 139 KK (Zabojstva).