Fatohraf raździeła biełarusak, kab źviarnuć uvahu na masavuju vysiečku dreŭ FOTY
jak vam?
«Lasnyja fiei» — tak nazyvajecca fotasieryja Darji Sakałovaj z aholenymi dziaŭčatami ŭ Piačerskim lesaparku Mahilova.
Dadzieny fotasiet dziaŭčyna zrabiła ŭ ramkach prajekta «Lungs», pryśviečanaha zachavańniu lasoŭ. «U apošnija hady naš les straciŭ miljony dreŭ z-za zasuchi i našeścia žukoŭ-karajedaŭ, vyklikanych paciapleńniem klimatu. Akramia hetaha, drevy pastajanna vysiakajucca. Jak fatohrafu mnie chaciełasia prymusić ludziej zadumacca nad tym, kudy takija adnosiny da pryrody mohuć pryvieści», — prakamientavała Darja.
Nahadajem, viasnoj stała viadoma, što pavodle źmien u hienieralnym płanie Mahilova, status Piačerskaha lesaparku źmianili na park, što praduhledžvaje inšy paradak ziemlekarystańnia. Žychary horada vystupili suprać mahčymaj zabudovy terytoryi i prapanavali zachavać zialonyja lohkija Mahilova ŭ maksimalna niekranutym vyhladzie. Aktyvisty stvaryli tematyčnuju pietycyju «Za» stvareńnie ahulnaharadskoha parku na terytoryi byłoha hadavalnika Mahiloŭzielanbuda!». U aficyjnym adkazie na zvarot žycharoŭ Mahilova miascovy abłvykankam jašče raz padkreśliŭ, što ŭ adpaviednaści z hienpłanam na dadzienaj terytoryi praduhledžana raźmiaščeńnie šerahu spartyŭnych i kulturna-vidoviščnych abjektaŭ, alej, miescaŭ adpačynku, špacyrnaj i bataničnaj zon.