Rasijanin handlavaŭ pad Minskam «palenaj» harełkaj
Za niezakonnuju pradprymalnickuju dziejnaść u Tałačynskim rajonie supracoŭniki ABEZ Kastryčnickaha RUUS stalicy zatrymali 43-hadovaha hramadzianina Rasii, paviedamili ŭ HUUS Minharvykankama.
guvd.gov.by
Mužčyna realizoŭvaŭ harełku nibyta rasijskaj vytvorčaści. Na samaj spravie takich handlovych marak, jakija mielisia ŭ jaho ŭ asartymiencie, nie isnuje. Apieratyŭniki kanfiskavali 1816 butelek kantrafaktnaj ałkaholnaj pradukcyi. Košt adnoj butelki śpirtnoha pry kupli ŭ roźnicu — 5 rubloŭ.
Za niezakonnuju pradprymalnickuju dziejnaść (art. 12.7 KoAP RB) u dačynieńni da mužčyny składzieny administracyjny pratakoł, što ciahnie za saboj pakarańnie ŭ vyhladzie štrafu da sta bazavych vieličyń z kanfiskacyjaj pradmieta administracyjnaha pravaparušeńnia.
Raniej mužčyna pryciahvaŭsia ŭ Biełarusi za anałahičnaje pravaparušeńnie. Tady ŭ jaho kanfiskavali kala 500 litraŭ kantrafaktnaha ałkaholu.