Lidar niamieckich libierałaŭ prapanuje «zamarozić» pytańnie Kryma, nie pryznajučy anieksii
Staršynia libieralnaj niamieckaj partyi «Svabodnyja demakraty», jakaja maje šancy stać «małodšym partnioram» u kaalicyi z CHDS/CHSS paśla vieraśnioŭskich vybaraŭ u Bundestah, Kryścijan Lindner vystupiŭ za palityku razradki ŭ adnosinach z Rasijaj. Pra heta jon zajaviŭ u intervju DW.
Kamientujučy skandał z nahody jaho słoŭ adnosna paŭvostrava, jon padkreśliŭ, što «Svabodnyja demakraty» ni ŭ jakim razie nie zaklikajuć pryznać anieksiju Kryma. «Naša prapanova zaklučajecca ŭ tym, kab my viarnulisia da tradycyjnaj niamieckaj palityki razradki, — rastłumačyŭ Lindner. — Anieksija Kryma — heta parušeńnie mižnarodnaha prava, my hetaha nie prymajem. Sankcyi zastajucca ŭ sile (…) Ale ŭsio ž varta pahladzieć, ci zmožam my pierapynić biahučuju śpiral eskałacyi i honku ŭzbrajeńniaŭ, ci hatovyja ŭ Rasii źmianić svaju palityku», — adznačyŭ jon.
Prapanova libierałaŭ pa Krymie zaklučajecca ŭ nastupnym: «Zamarozić kanflikt, nie pryznajučy (anieksii Kryma) i prapanavać dyjałoh pa inšych pytańniach». Kali Rasija nie choča vychodzić z tupika, kaža Lindner, tady sankcyi treba ŭzmacniać, kali Maskva pojdzie na sastupki, to abmiežavalnyja miery možna budzie pastupova palahčać. «Moža, niekali napružanaść źnizicca nastolki, što možna budzie kazać i pra Krym», — skazaŭ na zakančeńnie niamiecki palityk.
5 žniŭnia Lindner zajaviŭ, što pytańnie anieksii Kryma nieabchodna časova «zahiermietyzavać» i spačatku dasiahnuć prahresu pa inšych punktach adnosin z Maskvoj. Razam z tym, u niamieckim uradzie nahadali słovy kanclera Anhieły Mierkiel, jakaja raniej zajaŭlała, što anieksija Kryma nie moža być pryznanaja.
Drukujecca ŭ miežach śpiecyjalnaj rubryki «Naviny Hiermanii»