Tramp padziakavaŭ Pucinu za vysyłku z Rasii amierykanskich dypłamataŭ
Prezident ZŠA Donald Tramp zajaviŭ, što vielmi ŭdziačny prezidentu Rasii Uładzimiru Pucinu za jaho rašeńnie skaracić kolkaść supracoŭnikaŭ amierykanskaj dypmisii ŭ Rasii, bo heta dapamoža skaracić vydatki na vypłatu zarobkaŭ, piša The Washington Post.
«Ja chaču padziakavać jamu [Uładzimiru Pucinu], bo my sprabujem skaracić našy vydatki na zarobki. I ja vielmi ŭdziačny, što jon adpuściŭ vialikuju kolkaść ludziej, bo ciapier u nas mienš vydatkaŭ», — skazaŭ Tramp.
Pa słovach prezidenta ZŠA, nijakich pryčyn viartacca dypłamatam nazad u Rasiju niama. «Ja vysoka caniu toj fakt, što my zmahli skaracić našy vydatki na zarobki. My zekanomim šmat hrošaj», - skazaŭ na zakančeńnie Tramp.