18-hadovaha biełaruskaha spartsmiena paralizavała paśla incydentu ŭ basiejnie hatela
18-hadovy biełaruski viełahonščyk Viktar Pancialejeŭ paśla ŭdziełu ŭ moładzievym čempijanacie Jeŭropy ŭ Partuhalii atrymaŭ ciažkija traŭmy ŭ basiejnie hatela, paviedamlaje «Presboł».
«U chłopca złamanyja čaćviorty, piaty i šosty pazvanki, paškodžany śpinny mozh. Jon nie stračvaŭ prytomnaść, ale akazalisia paralizavanyja nohi. Była zroblenaja apieracyja, i zatym Viktar staŭ dychać samastojna. Pakul havorka idzie pra toje, kab zachavać chłopcu žyćcio. Niadaŭna pryjšła radasnaja navina: Pancialejeŭ upieršyniu adčuŭ nohi», — raskazała doktar nacyjanalnaj kamandy Valancina Ciareščanka.