Budaŭnictva zavoda karobak pieradač pad Minskam adkładajecca da 2021 hoda
Realizacyja inviestycyjnaha prajekta «Budaŭnictva zavoda karobak pieradač» padoŭžana da 2021 hoda. Adpaviedny zahad Alaksandra Łukašenki ad 1 žniŭnia №272 apublikavany na Nacyjanalnym pravavym internet-partale, paviedamlaje BiełTA.
Dakumient unosić źmieny va ŭkaz ad 10 krasavika 2014 hoda №157, u adpaviednaści ź jakim prajekt musiŭ być realizavany za 2014-2017 hady na terytoryi Minskaha rajona.
Ciapierašni inviestprajekt uklučaje budaŭnictva zavoda pa vytvorčaści miechaničnych, hidramiechaničnych karobak pieradač i elemientaŭ elektramiechaničnych karobak pieradač ź nieabchodnaj inžyniernaj i transpartnaj infrastrukturaj da jaho, a taksama asvajeńnie vypusku hetaj pradukcyi.
Budaŭnictva zavoda, vykanańnie navukova-daśledčych i dośledna-technałahičnych rabot, finansavańnie haspadarčaj dziejnaści tavarystva, jakoje źjaŭlajecca zakazčykam pa prajektavańni i ŭźviadzieńni dadzienaha pradpryjemstva, buduć ažyćciaŭlacca za košt srodkaŭ inavacyjnaha fondu Minskaha harvykankama i inšych krynic, nie zabaronienych zakanadaŭstvam.
Minskamu harvykankamu daručana ŭ trochmiesiačny termin pryniać rašeńnie ab biazvypłatnaj pieradačy va ŭłasnaść Biełarusi 490 akcyj AAT «Zavod hidramiechaničnych pieradač» naminalnym koštam Br100 na ahulnuju sumu Br49 tysiač, jakija znachodziacca va ŭłasnaści Minska.