Juny žychar Hrodna z-za niaščasnaha kachańnia raźbiŭ siem mašyn
U Hrodnie pad haračuju ruku 17-hadovaha junaka trapilisia lehkavyja aŭtamabili, pryparkavanyja pa vulicy Klanovaj, paviedamili va UUS Hrodzienskaha abłvykankama.
Chulihan śpiecyjalna nie vybiraŭ mašyny, dy i nie mieŭ namieru pomścić za niešta ich haspadaram. Jak akazałasia, pryčynaj učynku stała niepadzielenaje kachańnie: napiaredadni małady čałaviek rasstaŭsia ź dziaŭčynaj. Sproby viarnuć jaje nie ŭviančalisia pośpiecham. «Adna ź ich skončyłasia tym, što chłopiec užyŭ śpirtnyja napoi i spahnaŭ pačućci na transpartnych srodkach ni ŭ čym nie vinavatych ludziej», — adznačyli ŭ pres-słužbie UUS.
Padazravanaha ŭdałosia zatrymać pa haračych śladach. Pa artykule «chulihanstva» zaviedzienaja kryminalnaja sprava.