ZŠA ŭviali sankcyi suprać prezidenta Vieniesueły Nikałasa Madury
ZŠA ŭviali sankcyi suprać prezidenta Vieniesueły Nikałasa Madury. Jak zajaviŭ kiraŭnik ministerstva finansaŭ Styvien Mnučyn, Madura, arhanizavaŭšy vybary va ŭstanoŭčy schod, dakazaŭ, što jon dyktatar.
Pad sankcyi traplajuć usie aktyvy Madury, jakija mohuć znachodzicca pad jurysdykcyjaj ZŠA. Amierykancam zabaroniena vieści spravy ź vieniesuelskim prezidentam.
Pavodle Reuters, paśla ZŠA mohuć uvieści sankcyi suprać naftavaha siektara ekanomiki Vieniesueły.
30 lipienia ŭ Vieniesuele prajšli vybary va ŭstanoŭčy schod, jaki sklikajecca dla źmieny kanstytucyi. U vybarach udzielničali tolki prychilniki Madury. Ustanoŭčy schod treba Maduru, kab raspuścić parłamient krainy, dzie bolšaść naležyć apazicyjanieram.
U Vieniesuele niekalki miesiacaŭ praciahvajucca pratesty. U vyniku sutyknieńniaŭ z palicyjaj zahinuli ŭžo bolš za sto čałaviek: jak palicejskich, tak i pratestujučych.
ZŠA raniej ŭviali sankcyi suprać sudździaŭ Viarchoŭnaha suda, jaki padkantrolny Maduru i jaki admoviŭsia adchilić jaho ad ułady, niahledziačy na rašeńnie parłamienta. Akramia taho, pad sankcyi trapili 13 byłych i dziejnych čynoŭnikaŭ.