Svabodny ŭjezd u Brytaniju ź ES abmiažujuć u sakaviku 2019 hoda
Novyja imihracyjnyja miery, jakija abmiažoŭvajuć svabodu ŭjezdu ŭ Brytaniju z krain Jeŭrasajuza, buduć uviedzienyja ŭ sakaviku 2019 hoda, paviedamiŭ ministr imihracyi Brytanii Brendan Ljuis.
U intervju VVS Ljuis nie staŭ udakładniać, jakim čynam ułady majuć namier rehulavać patoki mihrantaŭ paśla ŭstupleńnia ŭ siłu «breksita». Pa jaho słovach, zakon ab mihracyi pavinien być uniesieny ŭ parłamient u 2018 hodzie.
Ministr unutranych spraŭ Brytanii Embier Rad raniej adznačała, što novyja miery nie stanuć niepieraadolnaj ścianoj dla mihrantaŭ. Jana padkreśliła, što Złučanaje Karaleŭstva praciahnie pryciahvać «samych talenavitych i najlepšych» mihrantaŭ z usiaho śvietu.
Brytanskija ministry taksama paabiacali pravieści šyrokija kansultacyi z pradstaŭnikami biźniesu, prafsajuzaŭ i vnu dla abmierkavańnia ich pazicyi pa mihracyjnym abmiežavańniam.
MUS Brytanii ŭžo paprasiła kansultatyŭny kamitet pa pytańniach mihracyi acanić rehijanalnaje raźmierkavańnie mihracyi ź ES, zaležnaść asobnych siektaraŭ ad pracy mihrantaŭ i rolu siezonnaha faktaru.
Jak patłumačyła Embier Rad, novaja imihracyjnaja sistema pavinna pavysić dziaržaŭny kantrol nad kolkaściu prybyvajučych u krainu ludziej.
Pa słovach kiraŭnika MUS, heta daść brytancam «upeŭnienaść u tym, što my prymianiajem svaje ŭłasnyja praviły da tych, kaho my chočam puskać u krainu, a taksama dapamoža źnizić čystuju mihracyju da stabilnych uzroŭniaŭ».
Ministr zamiežnych spraŭ Brytanii Barys Džonsan zajaviŭ, što choć mihracyja akazvała «fantastyčny efiekt na enierhiju i dynamičnaść ekanomiki», «heta nie aznačaje, što jaje nielha kantralavać».