Hniezdavańnie stepavaha łunia adznačanaje ŭ Biełarusi ŭpieršyniu za 101 hod
U Mahiloŭskim rajonie adznačany na hniezdavańni stepavy łuń — vid, jaki ŭ apošni raz hniaździŭsia ŭ Biełarusi 101 hod tamu, paviedamili ŭ hramadskaj arhanizacyi «Achova ptušak Baćkaŭščyny».
Fatohraf-animalist z Mahilova Uładzimir Bondar u siaredzinie lipienia sfatahrafavaŭ samku stepavaha łunia — nadzvyčaj redkaj dla Biełarusi ptuški, apošni dakazany vypadak hniezdavańnia jakoj adznačany ŭ našaj krainie ŭ 1916 hodzie.
Łuni — hrupa drapiežnych ptušak, jakija hniazdujucca na ziamli. Pamier jeŭrapiejskaj papulacyi stepavaha łunia aceńvajecca ŭsiaho ŭ 600-2140 par. Vid źnik z hniezdavańnia ŭ Rumynii, a taksama, jak miarkujecca, va Ukrainie i Małdovie.