Sprava zahinułaj «na bulbie» školnicy: sud pryznaŭ nastaŭnikaŭ vinavatymi, ale pakinuŭ ich na voli
Sud Maładziečanskaha rajona pryznaŭ vinavatymi dźviuch nastaŭnic SŠ № 11 horada Maładziečna ŭ nienaležnym vykanańni abaviazkaŭ, što paciahnuła pa nieaściarožnaści śmierć školnicy Viktoryi Papčeni «na bulbie». I prysudziŭ kožnaha piedahoha da 2 hadoŭ abmiežavańnia voli.
Raniej u sprečkach dziaržabvinavaŭca Viktoryja Pališčuk prasiła sud pryznačyć piedahoham pa 2 hady abmiežavańnia voli (biez nakiravańnia ŭ vypraŭlenčuju ŭstanovu), štraf u 100 bazavych vieličyń i zabaranić na praciahu 2 hadoŭ zajmać pasady, źviazanyja z zabieśpiačeńniem biaśpieki dziaciej.
Takoje ž rašeńnie pryniaŭ sudździa Pavieł Žačko.
Abvinavačanyja — 32-hadovaja nastaŭnica francuzskaj movy Volha Zavadskaja i 44-hadovaja Iryna Apanasievič, nastaŭnik fiziki, — pryznali svaju vinu całkam. Chacia advakat pieršaj ź ich nastojvała na apraŭdańni.
Baćki zahinułaj dziaŭčynki na abviaščeńnie prysudu nie pryjšli: na minułym tydni jany prasili sud skončyć praces bieź ich.
— My ciažka pieranosim hety sudovy praces, jaki doŭžycca ŭžo vielmi doŭha. Nam treba źjechać, źmianić stanovišča. Dy i paśla vyniasieńnia prysudu znoŭ pačnucca zvanki roznych ludziej, u tym liku žurnalistaŭ. Ad takoj uvahi my stamilisia i nie žadajem nijakaha znosin, - tłumačyli jany miascovamu vydańniu «Kraj.baj».
Siamja pažadała, kab nastaŭnikaŭ nie pazbaŭlali svabody i pracy. «Tak, jany vinavatyja, ale jość ludzi, čyja vina značniej», - tłumačyła na minułym tydni mama dziaŭčynki Julija Papčenia.
Nahadajem, 29 vieraśnia padčas uborki bulby pad Maładziečna zahinuła vučanica 8-ha kłasa 13-hadovaja Viktoryja Papčenia — na jaje najechaŭ hruzavik. Vadziciela ŭžo prysudzili da 3 hadoŭ abmiežavańnia voli.
Było taksama zaviedziena kryminalnaja sprava ŭ dačynieńni da dvuch nastaŭnikaŭ siaredniaj škoły № 11, jakija supravadžali dziaciej na poli. Ich abvinavačvali pa č. 2 art. 165 KK (Nienaležnaje vykanańnie abaviazkaŭ pa zabieśpiačeńni biaśpieki žyćcia i zdaroŭja małaletniaha, što paciahnuła pa nieaściarožnaści śmierć). Sankcyja artykułu - až da 4 hadoŭ pazbaŭleńnia voli.
Viadoma, što dziaciej va ŭzroście da 14 hadoŭ pryciahvać da pracy było nielha. Adnak hetaja zabarona kiraŭnictva škoły parušała nie pieršy hod. U vieraśni 2016 ho dziaciej adpravili na pracy ŭ śpiešcy pa ŭkazańni adździeła adukacyi Maładziečanskaha rajvykankama.
Z-za hetaha byli dapuščanyja šmatlikija parušeńni z boku čynoŭnikaŭ i kiraŭnictva škoły: na pole vučni jechali biez dazvołu ad baćkoŭ, padčas urokaŭ i biez najprostaha miedycynskaha ahladu, a pracoŭnyja adnosiny pamiž škołaj i sielskahaspadarčaj arhanizacyjaj nijak dakumientalna nie afarmlalisia.