Pamior tele- i radyjoviadoŭca Siarhiej Procharaŭ
sb.by
U niadzielu pamior dydžej «Radyjo Roks» i viadučy prahramy «Biełorusskoje vriemiečko» Siarhiej Procharaŭ. Infarmacyja pra heta źjaviłasia na aficyjnaj staroncy Biełteleradyjokampanii ŭ Facebook.
Siarhiej Procharaŭ stajaŭ la vytokaŭ biełaruskaha FM-radyjo. Jamu było 53 hady.
«Niemahčyma pavieryć, ale heta, na žal, praŭda. Pajšoŭ z žyćcia naš Barysyč, razumnica, encykłapiedyst, viesiałun z sumnymi vačyma i prosta kłasny mužyk», — napisali ŭ twitter kalehi Siarhieja Procharava pa «Radyjo Roks», dzie jon pracavaŭ apošnija dzieviatnaccać hadoŭ.
Siarhiej Procharaŭ naradziŭsia 20 červienia 1964 hoda ŭ Minsku. U 1988-m — skončyŭ Minski instytut kultury (ciapier Biełaruski dziaržaŭny univiersitet kultury i mastactvaŭ).
Paśla zakančeńnia univiersiteta Siarhiej Procharaŭ zastaŭsia vykładać na kafiedry, a 1993-m uładkavaŭsia viadučym muzyčnych prahram na pieršuju FM-radyjostancyju «Bi-Ej», jakaja tolki što adkryłasia. U 1997 hodzie pierajšoŭ na «Roks», dzie pracavaŭ da apošniaha dnia.