Donald Tramp zarehistravaŭ u Biełarusi svoj tavarny znak
Prezident ZŠA choć siońnia moh by pačać u Biełarusi vytvorčaść imiannoj harełki abo budaŭnictva imiannoha hatela. Reč u tym, što na terytoryi našaj krainy Donald źjaŭlajecca ŭ hetych i šerahu inšych siektarach uładalnikam abaronienaha tavarnaha znaka Trump.
Takuju infarmacyju Myfin.by vyjaviŭ u bazie dadzienych Suśvietnaj arhanizacyi intelektualnaj ułasnaści - SAIU, abo pa-anhlijsku WIPO.
Havorka idzie pra dźvie mižnarodnyja rehistracyi. Adna raspaŭsiudžvajecca na harełku, druhaja - na pasłuhi ŭ śfiery nieruchomaści (budaŭnictva i finansavańnie žyłych i kamiercyjnych abjektaŭ), a taksama na zabaŭlalnyja, hatelnyja i restarannyja pasłuhi plus na kampjutarnyja hulniavyja prahramy.
U bazie dadzienych SAIU skazana, što ŭładalnik tavarnaha znaka Trump — Donald Džon Tramp, jaki pražyvaje pa adrasie Ńju-Jork, Piataja avieniu, 725. Davieranaja asoba - Patrys Pi Džyn z Hughes Hubbard & Reed LLP.
Zajaŭka na pravavuju achovu ŭ Biełarusi znaka dla harełki była padadzienaja ŭ listapadzie 2007-ha i zakančvajecca ŭ listapadzie 2017-ha, dla nieruchomaści i čatyroch inšych napramkaŭ - u lipieni 2012 i lipieni 2022-ha adpaviedna.
Infarmacyju pra toje, što Donald Tramp źjaŭlajecca ŭładalnikam tavarnaha znaka Trump u našaj krainie, Myfin.by taksama paćvierdzili ŭ biełaruskim Nacyjanalnym centry intelektualnaj ułasnaści.
Darečy, jak vynikaje z dadzienych SAIU, takija zajaŭki na pravavuju achovu znaka Trump byli adnačasova padadzienyja na tyja ž pieryjady jašče ŭ šerah postsavieckich krain akramia Biełarusi.