U Rasii praviedzienaja apieracyja pa ŭstanoŭcy niejrastymulatara ŭ śpinny mozh
U kancy červienia ŭ Centralnym navukova-daśledčym instytucie traŭmatałohii i artapiedyi imia M. M. Pryjorava była vykananaja ŭnikalnaja apieracyja na śpinnym mozhu: impłantacyja niejrastymulatara, paviedamlaje hi-news.ru.
Pacyjentam, jakomu była praviedziena apieracyja, akazaŭsia 49-hadovy Ihar Mielnikaŭ, jaki adčuvaŭ mocnyja boli ad zastarełaha pierałomu pazvanka. U chodzie apieracyi pryładu padklučyli niepasredna da śpinnoha mozhu. Mietad elektrastymulacyi dosyć efiektyŭny, bo dazvalaje paźbiehnuć niepažadanych pabočnych efiektaŭ u vyhladzie ŭździejańnia lekaŭ na piečań i nyrki.
«Niejrastymulacyja ažyćciaŭlajecca z dapamohaj nievialikaha prybora-hienieratara elektryčnych impulsaŭ, jaki impłantujuć ŭ vobłaść śpinnoha mozhu. Usia sistema vonkava nie bačnaja, bo znachodzicca pad skuraj i nie abmiažoŭvaje ruchaŭ pacyjenta. Pierad pastanoŭkaj pastajannaj niejrastymulujučaj sistemy abaviazkova pravodzicca testavaja stymulacyja, pry jakoj doktar i sam pacyjent mohuć pierakanacca ŭ efiektyŭnaści stymulacyi z dapamohaj testavaha elektroda. Kali na hetym dasiahnuty stanoŭčy efiekt, to niejrastymulatar impłantujuć», — raspavioŭ u intervju vydańniu «Komsomolskaja pravda» Alaksandr Jaŭhienavič Jakaŭleŭ, chirurh, jaki kiravaŭ apieracyjaj.