U Minskim rajonie lehkavik urezaŭsia ŭ aporu: kiroŭcu vykinuła z sałona, jon zahinuŭ
U Minskim rajonie lehkavik vylecieŭ z prajeznaj častki, urezałasia ŭ aporu puciepravoda i źjechaŭ u kiuviet, kiroŭca zahinuŭ na miescy zdareńnia, paviedamili BiełTA va UDAI UUS Minabłvykankama.
DTZ adbyłosia siońnia kala čatyroch ranicy na 21-m km aŭtadarohi Minsk-Dziaržynsk. Kiroŭca Peugeot 308, ruchajučysia ŭ napramku Minska, niedaloka ad vioski Čarkasy nie spraviŭsia z kiravańniem aŭtamabila, vyjechaŭ za miežy prajeznaj častki, urezaŭsia ŭ aporu puciepravoda, paśla čaho mašyna źjechała ŭ kiuviet.
Kiroŭcu 1991 hoda naradžeńnia vykinuła z aŭtamabila. Ad atrymanych traŭmaŭ jon zahinuŭ na miescy zdareńnia.
Papiaredniaja pryčyna taho, što zdaryłasia - mužčyna zasnuŭ za rulom. Pa fakcie DTZ pravodzicca pravierka.
Dziaržaŭtainśpiekcyja Minskaj vobłaści nahadvaje ab nieabchodnaści vykonvać miery biaśpieki padčas ruchu - chutkasny režym i dystancyju, abaviazkova pryšpilvacca ramianiom biaśpieki, a taksama ŭličvać umovy nadvorja.