Tramp pra Paŭnočnuju Kareju: Naša ciarpieńnie skončyłasia
Tramp z prezidentam Paŭdniovaj Karei Mun Čže Inam, Reuters.com
Ułady ZŠA raspracoŭvajuć dypłamatyčnyja, ekanamičnyja, a taksama zachady ŭ halinie biaśpieki ŭ dačynieńni da KNDR. Paŭnočnakarejskaja jadziernaja prahrama patrabuje «rašučaha adkazu», a ciarpieńnie Vašynhtona vyčarpałasia. Pra heta zajaviŭ prezident ZŠA Donald Tramp pa vynikach pieramovaŭ z prezidentam Paŭdniovaj Karei Mun Čže Inam u Vašynhtonie, pieradaje Reuters.
«Era stratehičnaha ciarpieńnia ŭ dačynieńni da paŭnočnakarejskaha režymu pravaliłasia… Ščyra kažučy, ciarpieńnie vyčarpałasia», — zajaviŭ Tramp. Raspracoŭvać miery ŭ dačynieńni da Pchieńjana Vašynhton budzie sumiesna ź Sieułam, Tokia i inšymi partniorami, dadaŭ prezident ZŠA.
Tramp zajaviŭ, što sajuz pamiž ZŠA i Paŭdniovaj Karejaj źjaŭlajucca asnovatvornym dla miru i biaśpieki ŭ rehijonie, jaki jon nazvaŭ «niebiaśpiečnym miescam śvietu».
I Amieryka zaŭsiody budzie abaraniać siabie i svaich sajuźnikaŭ, padkreśliŭ kiraŭnik dziaržavy.