Na Danbasie ŭzarvali mašynu z supracoŭnikami SBU: adzin zahinuły, troje paranienych
U Kanstancinaŭskim rajonie Danieckaj vobłaści padčas vykanańnia słužbovych abaviazkaŭ zahinuŭ supracoŭnik Słužby biaśpieki Ukrainy pałkoŭnik Juryj Vozny, paviedamlaje pres-słužba SBU.
Tut i nižej fota: SBU
Papiaredniaja viersija pryčyny hibieli — padryŭ aŭtamabila. Jašče try čałavieki znachodziacca ŭ balnicy z ranieńniami roznaj stupieni ciažaru. Śledstva viadzie vajennaja prakuratura.
Juryj Vozny staŭ dvaccać trecim supracoŭnikam Słužby, jaki addaŭ svajo žyćcio, abaraniajučy Ukrainu, paviedamlaje UNIAN.
Nahadajem, u aŭtorak u Kijevie ŭzarvali mašynu pałkoŭnika kontrvyviedki Maksima Šapavała, jaki zajmaŭsia zboram dokazaŭ rasijskaj ahresii suprać Ukrainy. Jon zahinuŭ.