Biełaruskija błohiery źbirajucca zarabić $4000 na aperacyju Michasiu Łarynu
Biełaruskija błohiery vyrašyli abjadnać svaje siły, kab dapamahčy Michasiu Łarynu chłopcu, jakomu terminova patrabujecca aperacyja koštam 350 tys. eŭra.
Sabrać hrošy błohiery źbirajucca, pieramohšy ŭ adnym ź internet-konkursaŭ. Dla hetaha im treba z nula stvaryć błoh, jaki pa vynikach konkursu budzie vyšej svaich supiernikaŭ u rejtynhu Jandeks.Błohi da 10 kastryčnika. Pieramožca atrymaje 4000 dalaraŭ, i mienavita hetuju sumu biełaruskija błohiery pastanavili pieradać u fond dapamohi Michasiu Łarinu. Tudy sama jany źbirajucca pieradać prybytki ad reklamy, jakaja źmiaščajecca na błohu.
Błoh trymajecca ŭ liderach, adnak dla pieramohi, kaža administratar resursu, błohier i žurnalist Arsień Kraŭčanka, «nieabchodna, kab na nas jak maha bolej spasyłalisia inšyja błohiery, a taksama kab nas čytała jak maha bolej ludziej ”. Błoh, stvorany dobraachvotnikami, piša na samyja roznyja temy, u tym liku pra internet, bajnet i čałavieka ŭ im. Padrabiaźniej pra akcyju tut.
Kantakty inicyjataraŭ: hvostik@list.ru abo me@arseny.info, ICQ: 166510200.
Dadatkovaja infarmacyja pra Michasia j akcyju dastupnaja na sajcie prajektu.
Jak pieraličyć hrošy
Pieraličyć hrošy Michasiu vielmi prosta — dastatkova zajści ŭ luboje adździaleńnie «Biełarusbanku» j mieć z saboj rekvizyty jahonaha rachunku. Kvitancyju zapaŭniać nia treba, pašpart nie patrebny.
Kašalki Webmoney. U dalarach ZŠA — Z622038393970, eŭra — E286206891870, rasiejskich rublach R695931672751, biełaruskich rublach — B411817094794.