U amierykanskim aeraporcie na palicyjanta napali z nažom
Aficer palicyi, jaki dziažuryŭ u aeraporcie horada Flint ŭ štacie Mičyhan, atrymaŭ nažavyja ranieńni ŭ śpinu i šyju, paviedamlaje VVS.
Miascovyja ŚMI paviedamlajuć, što ŭ budynku mižnarodnaha aeraporta Bishop byŭ paranieny lejtenant Džef Nevił. «Kali łaska, zhadvajcie palicyjanta ŭ svaich malitvach», — prosić palicyja štata Mičyhan u tvitary.
Incydent adbyŭsia paśla dzieviaci ranicy pa miascovym časie. Nevił stajaŭ na pastu ŭ zale aeraporta, kali niechta padyšoŭ da jaho zzadu i ŭdaryŭ vialikim nažom. Napadnik (abo napadnica — poł u paviedamleńniach nie ŭdakładniajecca) vyhuknuŭ «Ałach Akbar», paviedamlaje telekanał NBC sa spasyłkaj na śviedak u aeraporcie.
Aficer byŭ špitalizavany, jaho stan aceńvajecca jak stabilny. Adzin padazravany znachodzicca pad vartaj.
Paśla incydentu aeraport evakujavali. La budynka meryi Flinta byli ŭzmocnienyja narady palicyi.