U Vieniesuele hienprakuror pierajšła na bok apazicyi
Łuiza Arteha, hienieralny prakuror Vieniesueły. Fota ź Vikipiedyi.
Łuiza Arteha, hienieralny prakuror Vieniesueły, asudziła namier uładaŭ krainy pierapisać kanstytucyju, abmiežavaŭšy paŭnamoctvy parłamienta.
59-hadovaja Arteha — byłaja paplečnica prezidenta Nikałasa Madura. Adnak sioleta jana raptoŭna dystancyjavałasia ad jaho. Jana vykazała sumnieŭ u zakonnaści razhonu demanstracyj suprać ciapierašnich uładaŭ.
Madura kantraluje sudy, śpiecsłužby i armiju.
«Niechta pahražaje majoj siamji», — raskazała Arteha ŭ paniadziełak. «Pieraśledujuć ich, jeździać za imi na chvaście, z vyhladu jak SEBIN», — cytujuć Artehu vieniesuelskija ŚMI.
SEBIN — heta stvoranaja Uha Čavesam Balivaryjanskaja słužba vyviedki.
U toj ža čas dziaržaŭnyja ŚMI abrynuli na Artehu škvał abvinavačvańniaŭ.
Pratesty ŭ Vieniesuele praciahvajucca ŭžo dva miesiacy. Jany majuć hvałtoŭny charaktar, u ich zahinuli 67 čałaviek z abodvuch bakoŭ, jašče tysiačy byli paranienyja.