U Padmaskoŭi psichična chvory vieteran čačenskaj vajny rasstralaŭ čatyroch čałaviek
abnoŭlena
U padmaskoŭnym pasiołku Kratava 49-hadovy były supracoŭnik MNS Ihar Ziankoŭ adkryŭ stralbu pa ludziach. Spačatku jon zabiŭ ludziej u siabie doma, paśla stralaŭ z akna. Kolkaść zabitych pakul nieviadomaja — vidavočcy kažuć pra čatyroch achviar.
Kali da doma pryjechała Rasijskaja hvardyja, były ratavalnik staŭ zakidvać siłavikoŭ hranatami časoŭ Druhoj suśvietnaj vajny.
Kali pačaŭsia šturm doma, Ziankoŭ zdoleŭ, adstrelvajučysia, uciačy ŭ les.
Jak paviedamiła milicyja, pry zatrymańni jon byŭ zabity.
Rasijskija ŚMI pa spasyłkaj na svaje krynicy ŭ siłavych viedamstvach paviedamlajuć, što jon słužyŭ ci to ŭ Čačni, ci to ŭ Afhanistanie. Mahčyma, byŭ supracoŭnikam AMAP. Pa słovach susiedziaŭ, Ziankoŭ mieŭ psichičnaje zachvorvańnie.