Tereza Mej damoviłasia ab farmiravańni kaalicyjnaha ŭrada
Premjer-ministr Vialikabrytanii Tereza Mej damoviłasia ab farmiravańni novaha kaalicyjnaha ŭrada z Demakratyčnaj junijanisckaj partyjaj Paŭnočnaj Irłandyi, paviedamlaje The Guardian sa spasyłkaj na krynicy.
Reuters.com
Mej maje namier sustrecca z karalevaj Vialikabrytanii ŭ Bukinhiemskim pałacy ŭ 12.30 pa miascovym časie (14.30 pa Minsku), kab uzhadnić ź joj pytańnie ab farmiravańni novaha ŭrada pa vynikach praviedzienych daterminovych parłamienckich vybaraŭ.
Telekanał Sky News paviedamlaje sa spasyłkaj na krynicy, što skład novaha ŭrada moža być abvieščany ŭžo ŭ piatnicu, 9 červienia.
Pa vynikach daterminovych usieahulnych parłamienckich vybaraŭ Kansiervatyŭnaja partyja atrymała 318 deputackich mandataŭ u 650-miascovaj Pałacie abščyn Vialikabrytanii.
Padlik hałasoŭ zaraz praciahvajecca, zastajecca vyznačyć hałasy ŭ adnoj vybarčaj akruzie. Demakratyčnyja junijanisty zavajavali 10 miescaŭ u parłamiencie, ich mahčymaja kaalicyja z tory dazvolić apošnim zabiaśpiečyć kirujučuju bolšaść u parłamiencie, dla jakoha nieabchodny 326 miescaŭ.