U Baranavičach zatrymali mužčynu, jakoha ŭ Rasii 23 hady šukali za zabojstva
Dniom 18 maja na vakzale «Baranavičy-Paleskija» milicyjanty Baranavickaha AUST za kureńnie na pieronie zatrymali 54-hadovaha rasijanina. «Prabiŭšy» jaho danyja pa bazie, milicyjanty vyśvietlili, što mužčyna z 1993 hoda znachodzicca ŭ miždziaržaŭnym vyšuku UMVD Rasii pa Kalininhradskaj vobłaści.
Mužčyna adšukvaŭsia adrazu pa dvuch artykułach: zabojstva pry abciažvajučych abstavinach i naŭmysnaje źniščeńnie abo paškodžańnie majomaści.
«Mužčyna 23 hady chavaŭsia ad śledstva na terytoryi Biełarusi i Ukrainy», — raspavioŭ Intex-press Dźmitryj Pietraševič, načalnik AAPP Baranavickaha AUST.
Ciapier mužčyna špitalizavany va UAZ «Baranavickaja haradskaja balnica»: niezadoŭha da zatrymańnia ŭ jaho zdaryŭsia mikrainfarkt. U špitali jon znachodzicca ŭ śpiecpałacie pad kruhłasutačnaj achovaj milicyjantaŭ.
Kali mužčyna papravicca, jaho pieradaduć supracoŭnikam pravaachoŭnych orhanaŭ RF.