«Słodyč» zrobić liniejku piečyva dla roźničnych kram ZŠA
AAT «Kandytarskaja fabryka «Słodyč» płanuje vypuścić liniejku piečyva dla roźničnych kram ZŠA, paviedamiŭ BIEŁTA pieršy namieśnik staršyni kancerna «Biełdziaržcharčpram» Ihar Šustaŭ na palach mižnarodnaj sielskahaspadarčaj vystavy «Biełahra-2017».
«Sioleta ŭ nas cełaja prahrama pa asvajeńni rynku ZŠA. My sustrakalisia z karparacyjaj Walmart. Płanujem zrabić liniejku «Słodyča» śpiecyjalna dla amierykanskaha rynku i pradstavić u kramach amierykanskaj roźnicy ŭžo vosieńniu», — adznačyŭ Ihar Šustaŭ.
Taksama pradpryjemstvy kancerna aktyvizavali pracu pa vychadzie na rynak KNR. «My byli ŭ Šanchai, płanujem pajechać u Huančžou, Hankonh. Kitajskaja delehacyja da nas pryjazdžała, pabyvała na ŭsich fabrykach. U pryncypie, usio padabajecca. U pieršuju čarhu jany zacikaŭlenyja ŭ kupli kandytarskaj pradukcyi», — raspavioŭ pieršy namieśnik staršyni.