Siońnia ŭ haściach u Aleksijevič — francuzski fotamastak i dakumientalist Jan Arcius-Bertran
Hościem intelektualnaha kłuba nobieleŭskaj łaŭreatki Śviatłany Aleksijevič 1 červienia budzie Jan Arcius-Bertran, vybitny francuzski dakumientalist i fatohraf, kavaler ordena Hanarovaha lehijona i ŭładalnik mnostva inšych uznaharod.
U junactvie jon skončyŭ akciorski fakultet Paryžskaj škoły mastactvaŭ, źniaŭsia ŭ filmie «Skažy mnie, chto ty» ź Mišel Marhan. U 21 hod zachapiŭsia «pavietranaj» fatahrafijaj ź viertalota, pavietranaha šara, staŭ surjozna zajmacca aerafotazdymkaj roznych abjektaŭ. U 1995 hodzie pad patranatam ekałahičnaha navukovaha adździeła JUNIESKA Arcius-Bertran uziaŭsia za hrandyjozny prajekt — stvareńnie navukovaha banka dadzienych zdymak płaniety z vyšyni. Vypuściŭ kala 60 knih.
Źniaŭ dakumientalny film «Dom» sumiesna ź Lukam Biesonam. Niadaŭni dakumentalny tvor Arciusa-Bertrana — unikalny kinafilm «Čałaviek» (Human).
Try hady režysior źbiraŭ realnyja historyi 2000 žančyn i mužčyn z 60 krain, jakija emacyjna havorać pra temy, jakija abjadnoŭvajuć usich ludziej płaniety: baraćba ź biednaściu, vojny, hamafobija, kachańnie, śmierć, ščaście. Premjera pieršaha filma hetaha maštabnaha prajekta adbyłasia na asamblei AAN. Pradstaŭniki kampanii Google, acaniŭšy značnaść filma, zapuścili jaho adnačasova na 6 movach, u tym liku na rasijskaj.