Tramp stancavaŭ z karalom Saudaŭskaj Aravii «taniec miačoŭ»
Prezident ZŠA Donald Tramp i karol Saudaŭskaj Aravii Sałman ibn Abduł-Aziz Al Saud stancavali «taniec miačoŭ» na aficyjnaj cyrymonii ŭ honar vizitu amierykanskaha prezidenta ŭ Er-Ryjad. Pra heta paviedamlaje Al Arabia ŭ Twitter.
Pavodle źviestak telekanała, u tradycyjnym tancy taksama ŭziali ŭdzieł dziaržsakratar ZŠA Reks Tylersan i hałoŭny strateh Styŭ Benan.
Taniec ardcha (taniec miačoŭ) pačynajecca z adnaho vieršavanaha radka, jaki paŭtarajecca pad barabanny boj, tancory ŭ hety momant uzdymajuć miačy ŭ pavietra. Takim čynam, adznačaje vydańnie, tancory vykazvajuć svaju radaść i honar. U Saudaŭskaj Aravii taniec ardcha raniej byŭ źviazany z vajennymi dasiahnieńniami, ale ciapier cyrymonija pravodzicca padčas aficyjnych mierapryjemstvaŭ.
Prezident ZŠA Donald Tramp prybyŭ u Saudaŭskuju Araviju z dvuchdzionnym vizitam 20 maja. U hety ž dzień kiraŭniki krain padpisali vajennaje pahadnieńnie na $ 110 młrd.