U Minsku maršrutka ŭrezałasia ŭ mašynu darožnikaŭ
U Minsku maršrutka ŭrezałasia ŭ mašynu darožnikaŭ, paviedamiŭ BIEŁTA načalnik adździeła ahitacyi i prapahandy DAI HUUS Minharvykankama Siarhiej Zaranik.
Siońnia ŭdzień na praśpiekcie Niezaležnaści mikraaŭtobus Mercedes Sprinter urezaŭsia ŭ aŭtamabil prykryćcia darožnaj słužby. «Maršrutka jechała z pasažyrami. Pavodle papiaredniaj infarmacyi, paciarpieli piać čałaviek. Čaćviora ź ich byli dastaŭlenyja ŭ balnicu dla ahladu, u adnoj paciarpiełaj, pažyłoj žančyny, padazrajuć pierałom ściahna», — raspavioŭ Siarhiej Zaranik.
Mercedes jechaŭ pa praśpiekcie Niezaležnaści ŭ kirunku vulicy Rusijanava. DTZ zdaryłasia ŭ treciaj sprava pałasie. Piaredniaja častka mikraaŭtobusa mocna paškodžanaja ŭ vyniku ŭdaru. Kiroŭca maršrutnaha taksi rastłumačyŭ, što svoječasova nie zaŭvažyŭ pieraškodu.
Pa fakcie DTZ pravodzicca pravierka.