Łukašenka pavinšavaŭ Makrona z abrańniem na pasadu prezidenta Francyi
Kiraŭnik Biełarusi Alaksandar Łukašenka pavinšavaŭ Emanuela Makrona i vykazaŭ nadzieju na raźvićcio biełaruska-francuskich suviaziaŭ.
Vinšavańnie Łukašenki sa spasyłkaj na jahonuju presavuju słužbu cytuje ahienctva BiełTA:
«Karystajusia vypadkam, kab vykazać zacikaŭlenaść u pašyreńni biełaruska-francuskich suviaziaŭ u palityčnaj, handlova-ekanamičnaj, humanitarnaj i inšych halinach, raźvićci kanstruktyŭnaha ŭzajemadziejańnia pamiž našymi dziaržavami ŭ mižnarodnych arhanizacyjach».
Pavodle BiełTA, Alaksandar Łukašenka raźličvaje na padtrymku ŭzajemavyhadnaha supracoŭnictva pamiž Biełaruśsiu i Francyjaj dziela roskvitu i dabrabytu narodaŭ dźviuch krain.