Ivan Šyła: Spoviedź patencyjnaha ałkaholika, jaki kidaje pić
natchniaje!
Ivan Šyła.
«21 dzień biez ałkaholu. Heta šmat dla čałavieka, jaki pje minimum raz na tydzień na praciahu ŭsich darosłych hadoŭ.
Dvojčy ŭdavałasia abychodzicca biez vypiŭki: kali znachodziŭsia ŭ izalatary i kali ŭžyvaŭ rečyvy, za jakija ŭ Biełarusi praduhledžana vialikaja adkaznaść.
Ałkahol nie prynosiŭ mnie asablivych prablem (chočacca vieryć): ja nie prahulvaŭ pracu, nie razvodziŭsia z žonkaj i nie zajmaŭ na toje, kab pachmialicca. U mianie nie było zapojaŭ. Ale kali ja vypivaŭ, to šmat. Viečar, jaki pačynaŭsia dvuma kielichami vina, nie moh nie skončycca dźviuma butelkami. Dva kielichi piva pieratvaralisia ŭ litry. Adna kampanija mianiałasia na inšuju, u krajnim vypadku ja moh skončyć viečar doma, prychapiŭšy butelku ałkaholu ŭ načniku.
Pachmielle paśla dźviuch-troch butelek vina nievynosnaje. I jano pačało raściahvacca na dva dni. Heta značyć, kali ty vypiŭ u piatnicu, to prychodziš u siabie ŭ paniadziełak. Nie vielmi.
Ale pra dobraje. Heta było nie składana. Ćviarozyja ranicy vartyja spakojnych viečaroŭ. Niama paničnych pachmielnych napadaŭ. Z typovych plusaŭ ja sutyknuŭsia tolki ź mienšymi pierapadami nastroju. I ŭ spartzału staŭ chadzić čaściej. Moža, tvar paśviažeŭ? (Vielmi spadziajusia)
21 dzień zanadta mała, kab adčuć doŭhaterminovyja efiekty ćviarozaści: ja, naprykład, nie skinuŭ nivodnaha kiłahrama, kantaktuju z tymi ž ludźmi, pa-raniejšamu lanujusia i zusim nie ŭjaŭlaju jak tancavać ćviarozym.
Tamu novy aryjencir — jašče dzion 20—30. Potym budzie vialikaje vyprabavańnie moram i Izrailem, ale tam ža jość, jość dobry substytut ałkaholu», — napisaŭ Ivan u fejsbuku.