Rasijskich «Načnych vaŭkoŭ» nie prapuścili ŭ Polšču
Rasijskija matacyklisty kłuba «Načnyja vaŭki» nie byli dapuščanyja na terytoryju Polščy dla ŭdziełu ŭ prabiehu «Darohi Pieramohi - na Bierlin». Pra heta pradstaŭnik «Načnych vaŭkoŭ» Jaŭhien Strohaŭ paviedamiŭ TASS.
Załdastanaŭ u Breście pravioŭ kalehaŭ tolki da punktu propusku. Miažu pierasiekli dzieviać matacykłaŭ u bolšaści ź jeŭrapiejskimi numarami, piša Tut.by.
Strohaŭ zajaviŭ, što na mierapryjemstvie ŭ Polščy prysutničali tolki pradstaŭniki jeŭrapiejskich adździaleńniaŭ motakłuba, u tym liku Biełarusi. Pavodle jaho słoŭ, rasijskich udzielnikaŭ kłuba nie puścili «pa padazreńni ŭ dačynieńni da ekstremisckaj arhanizacyi».
Motamarš «Darohi - na Bierlin-2017» prachodzić z 27 krasavika pa 9 maja. 28 krasavika «vaŭki» naviedali Minsk, a potym vyjechali ŭ Brest.