Žychar Ułan-Ude (Rasija, Buratyja) atrymaŭ try hady ŭmoŭna za zakliki «da abjadnańnia manholskich narodaŭ u adnu dziaržavu»
Kastryčnicki rajonny sud Ułan-Ude prysudziŭ miascovaha žychara Uładzimira Chahdajeva da troch hadoŭ umoŭnaha terminu za «zakliki da adździaleńnia Buracii» ad Rasii. Pra heta paviedamiŭ advakat Chahdajeva Viktar Łapierdzin.
Chahdajev abvinavačvaŭsia ŭ tym, što pad psieŭdanimam Čynhis Bułahadajeŭ, «majučy asabistyja pierakanańni, nakiravanyja na abjadnańnie manholskich narodaŭ u adnu dziaržavu», z vosieni 2014 hoda pa pačatak 2015 hadach apublikavaŭ u sacsietcy «Ukantakcie» vyjavu z cytataj ź videaintervju žurnalistki Alaksandry Harmažapavaj i dva kamientary.
Akramia zaklikaŭ da sieparatyzmu, Chahdajeŭ taksama byŭ pryznany vinavatym u zachoŭvańni biez mety zbytu narkatyčnych srodkaŭ (častka 2 artykuła 280.1 i častka 2 artykuła 228 KK RF). Dva skrutki z marychuanaj byli vyjaŭlenyja ŭ haražy Chahdajeva pry vobšuku.
Usie abvinavačvańni ŭ svoj adras Chahdajeŭ adchilaje.