Akademija navuk — płošča Banhałor. Abvieščany maršrut akcyi na 1 maja
Na 1 maja apazicyja ŭ Minsku płanuje akcyju salidarnaści ŭ padtrymku represavanych, piša Radyjo Svaboda.
«Na 1 maja zapłanavany nie tolki marš salidarnaści z pracoŭnymi, ale i z usimi hramadzianami, jakija trapili pad chvalu represij», — skazaŭ kiraŭnik ruchu «Za svabodu» Juraś Hubarevič.
Zajaŭnik akcyi, namieśnik staršyni BKDP Siarhiej Antusievič, abviaściŭ maršrut. Zbor a 16-j hadzinie na placoŭcy kala Nacyjanalnaj akademii navuk, šeście pa vulicy Surhanava, mitynh u parku Družby narodaŭ.