Kiraŭnikom ADKB stanie armianski hienierał, jaki na pačatku 1990-ch słužyŭ u Biełarusi
Hienieralnym sakratarom ADKB stanie pradstaŭnik Armienii Juryj Chačaturaŭ. Takoje rašeńnie pryniali kiraŭniki dziaržaŭ — udzielnic Arhanizacyi Dahavora ab kalektyŭnaj biaśpiecy ŭ čas niefarmalnaj sustrečy ŭ Biškieku, pieradaje BIEŁTA.
Jak rastłumačyŭ žurnalistam namieśnik hienieralnaha sakratara ADKB Valeryj Siemierykoŭ, rašeńnie pryniata prezidentami adnahałosna. Juryj Chačaturaŭ budzie aficyjna naznačany 2 maja 2017 hoda.
Lidary krain taksama abmierkavali procidziejańnie vyklikam i pahrozam, što isnujuć siońnia ŭ rehijonie ADKB. Alaksandr Łukašenka, jaki źjaŭlajecca staršynioj Savieta kalektyŭnaj biaśpieki, prainfarmavaŭ kiraŭnikoŭ dziaržaŭ ab pryjarytetach, jakija abjaviła kraina na pieryjad svajho staršynstva ŭ arhanizacyi.
Varta adznačyć, što rašeńnie ab pryznačeńni Chačaturava doŭhi čas błakavali Biełaruś i Kazachstan.