MZS rekamienduje biełarusam, jakija adpačyvajuć u Jehipcie, nie vyjazdžać za miežy kurortnych zon
U suviazi ź sieryjaj terarystyčnych aktaŭ u Jehipcie MZS rekamienduje biełaruskim turystam, jakija adpačyvajuć u hetaj krainie, nie vyjazdžać za miežy kurortnych zon.
9 krasavika ŭ jehipieckich haradach Tanta i Aleksandryja była ździejśnienaja sieryja terarystyčnych aktaŭ, jakaja stała pryčynaj uviadzieńnia ŭ Arabskaj Respublicy Jehipiet nadzvyčajnaha stanovišča, nahadvaje pres-słužba MZS.
U hetaj suviazi Ministerstva zamiežnych spraŭ paćviardžaje dziejnyja z 2014 hoda rekamiendacyi biełaruskim hramadzianam, jakija znachodziacca na adpačynku ŭ Jehipcie abo majuć namier naviedać hetuju krainu, ustrymacca ad pajezdak za miežy kurortnych zon, za vyklučeńniem vypadkaŭ krajniaj nieabchodnaści. Padčas znachodžańnia za miežami hatelaŭ nieabchodna prajaŭlać pavyšanuju abačlivaść.
Nastojliva rekamiendujecca nie naviedvać hubiernatarstva Paŭnočny Sinaj u jakich by to ni było metach, havorycca na sajcie MZS.