U Estonii paviedamili pra zatrymańnie rasijskaha špijona
Palicyja biaśpieki Estonii zatrymała hramadzianina Rasii, jakoha padazrajuć u pracy na rasijskuju vajennuju vyviedku HRU, paviedamlaje estonskaje vydańnie Postimees.
Zatrymańnie było praviedzienaje jašče 9 studzienia hetaha hoda. Hienieralny dyrektar palicyi biaśpieki Arnold Sinisału padkreśliŭ, što heta pieršy raz, kali ŭ Estonii ŭdałosia złavić ahienta HRU.
Dziaržaŭny prakuror Ina Ombler paviedamiła, što padazravany ŭ antydziaržaŭnaj dziejnaści mužčyna znachodzicca pad aryštam z dazvołu suda. Raspačataja kryminalnaja sprava pa artykule Pienitencyjarnaha kodeksa, jaki praduhledžvaje pakarańnie za dziejańni biez prymianieńnia siły, nakiravanyja suprać niezaležnaści i terytaryjalnaj cełasnaści Estonii.
Padrabiaznaści rasśledavańnia spravy pravaachoŭnyja orhany pakul nie paviedamlajuć.