Eks-načalnika vilejskaj DAI prysudzili da piaci hadoŭ pazbaŭleńnia voli
Minski abłasny sud pryhavaryŭ byłoha načalnika adździaleńnia DAI Vilejskaha RAUS da piaci hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu.
Jon pryznany vinavatym u ździajśnieńni złačynstvaŭ, praduhledžanych č.2 art.425, č.2 art.426, č.1 art.427, č.1,2 art.430 KK. Havorka idzie ab naŭmysnym ździajśnieńni słužbovaj asobaj dziejańniaŭ, jakija vidavočna vychodziać za miežy pravoŭ i paŭnamoctvaŭ dadzienych jamu pa słužbie, jakija paciahnuli pryčynieńnie istotnaj škody zakonnym pravam i intaresam hramadzianina, dziaržaŭnym i hramadskim intaresam (pieravyšeńnie ŭłady i słužbovych paŭnamoctvaŭ), a taksama biaździejnaści słužbovaj asoby i atrymańni chabaru.
U fihuranta kanfiskujuć 0,5 majomaści, pazbaviać prava zajmać pasady, źviazanyja z vykanańniem funkcyj pradstaŭnika ŭłady, terminam na 5 hadoŭ. Taksama jaho pazbaviać śpiecyjalnaha zvańnia majora milicyi.
Prysud moža być abskardžany i apratestavany va ŭstanoŭlenym zakonam paradku.
Śledstvam było ŭstanoŭlena niekalki faktaŭ złačynnaj dziejnaści. U tym liku mužčyna na pasadzie načalnika adździaleńnia DAI Vilejskaha RAUS addavaŭ ŭkazańni ab niepryciahnieńni svaich znajomych da adkaznaści za parušeńnie PDR. Taksama viadoma niekalki epizodaŭ atrymańnia chabaru. Abvinavačany svaju vinu nie pryznaŭ.