Zatrymanaha ŭ Stakholmie mužčynu aryštavali pa padazreńni ŭ teraryźmie
Prakuratura Šviecyi ŭ noč na 8 krasavika aryštavała mužčynu, jaki byŭ zatrymany ŭviečary paśla teraktu ŭ Stakholmie, pa padazreńni ŭ teraryźmie šlacham zabojstva.
U paviedamleńni padkreślivajecca, što pa zakančeńni troch sutak prakuratura pavinna budzie vyrašyć, ci pavinien jon zastacca pad aryštam.
Infarmacyi pra asobu padazronaha ŭłady nie dali. Raniej vydańnie Aftonbladet pisała sa spasyłkaj na krynicy, što zatrymany byŭ 39-hadovy hramadzianin Uźbiekistana.
Pavodle infarmacyi šviedskaha telekanała SVT, u adnym z pryharadaŭ Stakholma byŭ zatrymany jašče adzin čałaviek, jak miarkujecca, źviazany ź pieršym padazravanym. Paćvierdžańnia hetaj infarmacyi niama.
Dniom 7 krasavika nieviadomy čałaviek na hruzaviku źbiŭ niekalki čałaviek na piešachodnaj vulicy ŭ centry Stakholma i ŭrezaŭsia va ŭniviermah. Pavodle apošnich źviestak, zahinuli čatyry čałavieki, 15 paciarpieli. Ułady Šviecyi nazvali toje, što zdaryłasia, teraktam.
Palicyja raspaŭsiudziła fatahrafiju mužčyny, jakoha rasšukvaje ŭ suviazi z teraktam. Uviečary stała viadoma, što ŭ stakholmskim pryharadzie Mierste zatrymany čałaviek, padobny na mužčynu sa zdymka. Pavodle niepaćvierdžanych źviestak, heta 39-hadovy hramadzianin Uźbiekistana, jaki nibyta simpatyzavaŭ isłamistam.