Hruzavik ujechaŭ u natoŭp u centry Stakholma, jość zahinułyja
Hruzavy aŭtamabil ujechaŭ u natoŭp u centralnaj častcy Stakholma. Jak paviedamlaje miascovaja palicyja, u vyniku zahinuli jak minimum try čałavieki, miascovyja ŚMI paviedamlajuć taksama pra vaśmiarych paciarpiełych.
Napad adbyŭsia na hałoŭnaj piešachodnaj vulicy Stakholma. Fota: REUTERS
Paviedamlajecca, što mašyna ź pivam zajechała ŭ handlovy centr na hałoŭnaj piešachodnaj vulicy horada Drotninhatan. Pavodle palicyi, čałaviek, jaki padazrajecca ŭ najeździe na ludziej, užo zatrymany. Jaho imia pakul nie nazyvajecca.
Studentka Stakholmskaha univiersiteta Alesia Rudnik raskazała Ruskaj słužbie Bi-bi-si, što paśla zdareńnia pačałasia panika.
Fota: INSTAGRAM/MAGNUS POSSMAN
«Rezka ŭsie pačali biehčy ŭ bok zadniaha vychadu z kramy, kab na inšaj vulicy apynucca. Usie pabiehli, nie viedajučy, što adbyłosia, dumali spačatku, što, moža, chtości padazrony abo pryładu niejkuju znajšli. Niekatoryja byli ŭ panicy, płakali, kryčali, kazali, što cieły lažać na vulicy. Ciapier rajać nie karystacca hramadskim transpartam, palicyja kaža, što da dziasiatka paranienych, ale ja hetaha pravieryć nijak nie mahu», — skazała jana.
Pa źviestkach ahienctva TT, palicyja nie vyklučaje, što ŭ zdareńnia moža być terarystyčnaja padaploka, adnak razhladaje i inšyja varyjanty. Premjer-ministr Šviecyi Stefan Levien taksama zajaviŭ: usio pakazvaje na toje, što heta byŭ spłanavany napad. Na ŭsialaki vypadak u horadzie całkam zakryli mietro.