BRSM u Minsku ŭznačaliŭ funkcyjanier, jaki pabiŭsia z Daškievičam
Minsk-naviny
Siarhiej Kliševič staŭ pieršym sakratarom minskaha harkama BRSM. Jaho abrali na hetuju pasadu 22 sakavika na 12-m plenumie arhanizacyi, paviedamlaje ahienctva «Minsk-Naviny». Kliševič trapiŭ u ŚMI paśla taho, jak vyrvaŭ płakat i ŭstupiŭ u bojku ź lidaram «Maładoha frontu» Źmitrom Daškievičam na adkryćci pomnika Leninu ŭ MTZ 7 listapada minułaha hoda.
Aktyvist skončyŭ histfak BDU. Jon byŭ adnahrupnikam błohiera Eduarda Palčysa, jakoha niadaŭna sudzili za ekstremizm na jaho sajcie 1863ch.org. Vučyŭsia Kliševič u biełaruskamoŭnaj hrupie.
U 2010 hodzie jon z paplečnikami pa BRSM pratestavaŭ kala redakcyi haziety «Narodnaja vola» suprać artykuła ab dziejnaści savieckich partyzan padčas niamieckaj akupacyi.
Raniej Kliševič zajmaŭ pasadu druhoha sakratara BRSM, piša Tut.by.
Fota Iryny Arachoŭskaj