Siaredni zarobak pa vakansijach u Minsku — 500 rubloŭ
Siaredni ŭzrovień apłaty pa prapanavanych u Minsku vakansijach składaje kala Br500, paviedamiła žurnalistam namieśnik staršyni kamiteta pa pracy, zaniatasci i sacyjalnaj abaronie Minharvykankama Taćciana Kudzievič.
Razam z tym sustrakajucca prapanovy z zarobkam zvyš 1 500 rubloŭ. Nie tolki dla kiraŭnikoŭ pradpryjemstvaŭ, ale i dla pradstaŭnikoŭ rabočych prafiesij.
U pryvatnaści, ciaślaru-bietonščyku i elektramantažnikam pa elektraabstalavańni, siłavych i aśviatlalnych sietak najmalniki hatovy zapłacić Br1,7 tys. Taksama svabodnymi zastajucca zvyš 30 vakansij dyrektaraŭ z apłataj bolš jak Br1,5 tys. Na vysoki zarobak mohuć raźličvać zahadčyki vytvorčaściu (ad Br1,5 tys.), inžyniery-prahramisty (Br1,5-5 tys.), kamandziry pavietranaha sudna (kala Br6 tys.), mieniedžary pa markietynhu i inš.
«U asnoŭnym popytam na rynku pracy karystajucca vysokakvalifikavanyja rabotniki», — adznačyła Taćciana Kudzievič.