Vulica imia Sapiehi taki budzie
30 lipienia ŭ Pružanach adbylisia publičnyja debaty pa pierajmienavańni adnoj z vulic horada imiem kanclera VKŁ Lava Sapiehi. Vynikam sustrečy stała kampramisnaje rašeńnie nazvać imiem vialikaha dziejača novuju vulicu, jakaja ciapier prajektujecca.
30 lipienia ŭ Pružanach adbylisia publičnyja debaty pa pierajmienavańni adnoj z vulic horada imiem kanclera VKŁ Lava Sapiehi. Vynikam sustrečy stała kampramisnaje rašeńnie nazvać imiem vialikaha dziejača novuju vulicu, jakaja tolki prajektujecca.
Sustreča ŭ łady i hramadzkaści adbyłasia ŭ zale pasiedžańnia deputataŭ miascovaha Savieta.
«U cełym my zadavoleny vynikam debataŭ, chacia, kaniešnie, našaj metaj było mienavita pierajmienavańnie vulic, jakija nosiać imiony byłych NKVDystaŭ i kamunistyčnych partfunkcyjaneraŭ, što mieli datyčnaść da palityčnych i inšych vidaŭ represij. Nam taksama ŭdałosia schilić kamisiju da razhladu pytańnia ab nadańni novym vulicam imionaŭ znakamitych ziemlakoŭ Pružanščyny», – adznačyŭ aktyvist Ruchu «Za Svabodu» Źmicier Krasievič.
Nahadajem, miesiac tamu pa inicyjatyvie Ruchu «Za Svabodu», TBM i žycharoŭ Pružanaŭ, byŭ arhanizavany zbor podpisaŭ hramadzianaŭ sa zvarotam da miascovaha Savieta deputataŭ i vykanaŭčaha Kamitetu ab pierajmienavańni adnoj z vulic horada imiem kanclera VKŁ Lva Sapiehi. Pad kalektyŭnaj prośbaj padpisałasia bolš za sto hramadzianaŭ.