U Minsku pačaŭsia sud nad žančynaj, jakaja vykinuła niemaŭla ŭ śmiećciepravod
Minski abłasny sud pačaŭ razhlad kryminalnaj spravy ŭ dačynieńni da žančyny, što vykinuła niemaŭla ŭ śmiećciepravod.
Heta zdaryłasia ŭ haradskim pasiołku Mačuliščy ŭ Minskim rajonie. Uviečary 19 vieraśnia 28-hadovaja žančyna, chavajučy ciažarnaść, u svajoj kvatery naradziła dzicia, a potym vykinuła ŭ śmiećciepravod ź siomaha paviercha. Novanarodžanaha svoječasova znajšli ŭ mietaličnym kantejniery dla śmiećcia. Dzicia špitalizavali z roznymi cialesnymi paškodžańniami.
Pa zaklučeńni ekśpiertyzy, abvinavačanaja ŭ stanie pavyšanaj emacyjnaj napružanaści, vyklikanaj psichatraŭmujučaj situacyjaj, źviazanaj z rodami, nie znachodziłasia.