Stvoranaja Rada demakratyčnych arhanizacyj i nieabyjakavych hramadzian Viciebščyny
Pradstaŭniki piaci partyjaŭ i arhanizacyj Viciebščyny, a taksama dvoje nieabyjakavych hramadzianaŭ uvajšli ŭ novastvoranuju Radu demakratyčnych arhanizacyj i nieabyjakavych hramadzian.
«Pradstaŭniki demakratyčnych arhanizacyj Viciebščyny abjadnoŭvajuć svaje namahańni dziela kaardynacyi dziejańniaŭ pa pieraadoleńniu sistemnaha kryzisu, jaki raźvivajecca na Biełarusi apošnija hady praz sumiesnyja dziejańni aktyvistaŭ arhanizacyj, nieabyjakavych hramadzian», — skazana ŭ zajavie ab stvareńni Rady.
Dakumient padpisali kaardynatar ruchu «Za svabodu» u Viciebskaj vobłaści Leanid Haravy, kaardynatar arhkamiteta BCHD pa Viciebskaj vobłaści Taćciana Sieviaryniec, staršynia Viciebskaj abłasnoj arhanizacyi Partyi BNF Kastuś Smolikaŭ, staršynia arhkamu pa stvareńniu prafsajuzu pradprymalnikaŭ Iryna Jaskievič, pradstaŭnik partyi «Spraviadlivy śviet» Vadzim Kuźmin, nieabyjakavyja hramadzianie Leanid Alachnovič i Mikoła Kačurec.
Pa słovach aŭtaraŭ zajavy, «padstavaj dla stvareńnia kaardynacyjnaj Rady staŭ rost pratestnych nastrojaŭ u hramadstvie ŭ suviazi ź niekanstytucyjnym Dekretam № 3, niespraviadlivymi dziejańniami pa źmianieńniu piensijnaj sistemy, addalenaściu ad naroda ŭłady praz adsutnaść u krainie svabodnych, tajnych i adkrytych vybaraŭ i realnaha miascovaha samakiravańnia, rostu biespracoŭja i padzieńnia žyćciovaha ŭzroŭniu».
«Pahłybleńnie kryzisu ŭ ekanomicy, uładnych strukturaŭ, jakija nie abiralisia na demakratyčnych vybarach, stavić pad pahrozu suvierenitet i niezaležnaść Biełarusi», — upeŭnienyja siabry Rady.
Kaardynacyjnaja Rada padzialiła abureńnie žycharoŭ rehijonu, jakija 26 lutaha vykazali pratest «suprać antynarodnaj palityki šmattysiačnym maršam u centry Viciebsku, a taksama ŭchvaliła mirnyja pratesty ŭ inšych haradach Biełarusi» i prapanavała ŭładam raspačać ahulnanacyjanalny dyjałoh.
Pieršaja akcyja, adkaznaść za jakuju voźmie Rada, budzie «Marš niedarmajedaŭ». Akcyja projdzie ŭ Viciebsku 15 sakavika, raspavioŭ sajtu Pyx.by Leanid Haravy. «My projdziem ad płoščy Pieramohi da abłvykankama, dzie pieradadzim zajavu pamočniku Łukašenki pra admienu Dekreta № 3», — adznačyŭ Haravy.
Pa jahonych słovach, kaardynataram hetaj akcyi budzie Jaskievič.
Akramia taho, pradstaŭniki Rady zaklikali hodna adznačyć Dzień niezaležnaści Biełaruskaj Narodnaj Respubliki 25 Sakavika pad łozunhami «Za suvierennuju i niezaležnuju Biełaruś!», «Za admienu Dekreta № 3», «Za spynieńnie źmienaŭ piensijnaj sistemy da palapšeńnia ekanamičnaha stanovišča», «Usia ŭłada narodu na svabodnych, tajnych i adkrytych vybarach». Kardynatar akcyi — Smolikaŭ.
Kaardynacyjnaja Rada prapanavała nieabyjakavym hramadzianam Viciebščyny stvarać Kamitety ŭzajemadapamohi «dziela uzajemapadtrymki va ŭmovach sistemnaha kryzisu, vypracoŭki prapanoŭ dla rašeńnia isnujučych prablemaŭ i kaardynacyi dziejnaści dziela lepšaj Viciebščyny, lepšaj Biełarusi, hodnaha žyćcia kožnaha čałavieka».
«Stvareńnie rady — heta krok da kansalidacyi siłaŭ i hramadzianaŭ, jakija vystupajuć, kab u krainie byŭ vypracavany novy kurs» — adznačyŭ kaardynatar Ruchu «Za Svabodu» ŭ Viciebskaj vobłaści.
Pa jahonych słovach, Kamitety ŭzajemadamohi buduć stvaracca ŭ tym liku i dla dapamohi tym ludziam, u jakich ułady praź dziejańnie Dekreta № 3 zachočuć apisać majomaść.