«Hanarusia ja družbaju z taboj»: Japryncaŭ padaryŭ pieśniu Pucinu AŬDYJO
U internecie źjaviŭsia klip, jaki biznesoviec i były saŭładalnik «Trajpła» Uładzimir Japryncaŭ padaryŭ Uładzimiru Pucinu.
Ale nie jak prezidentu Rasii, a jak zasłužanamu trenieru Rasijskaj Fiederacyi i majstru sportu pa samba i dziudo.
«Heta padarunak Pucinu asabista ad Uładzimira Japryncava i ad sambisckaha braterstva. Prosta tak zdaryłasia, što hety čałaviek — prezident Rasii, ale nie treba šukać nijakaj suviazi», — tłumačać siabry Uładzimira Japryncava.
Klip da pieśni supravadžajecca roznymi kadrami z Pucinym, u tym liku i spartovych. Uładzimira Japryncava na hetych kadrach niama.
Pieśniu vykonvaje bard Anatol Dłuski.
Darečy, Dłuski siońnia pracuje ŭ Departamiencie achovy MUS, uznačalvaje Centr kulturna-vychavaŭčaj raboty Minskaha abłasnoha upraŭleńnia.
Prypieŭ pieśni-pryśviačeńnia hučyć tak:
Putin,Tvoje nadiežnoje plečo,
Putin, bolšoje sierdcie horiačo,
I v raźviedku ja pojdu s toboj, i v boj,
Putin, horžuś ja družboju s toboj…
Aŭtar słoŭ nidzie nie paznačany, ale, pavodle infarmacyi «Biełaruskaha partyzana», da napisańnia vieršaŭ mieŭ dačynieńnie Uładzimir Japryncaŭ.