Kryvušenka pryznačany v. a. hałoŭnaha treniera zbornaj Biełarusi pa futbole
ABFF abviaściła ab pryznačeńni hałoŭnaha treniera «Tarpieda-BiełAZ» Ihara Kryvušenki na pasadu hałoŭnaha treniera zbornaj Biełarusi, paviedamlaje Tribuna.
Śpiecyjalist budzie pracavać u jakaści vykonvajučaha abaviazki hałoŭnaha treniera.
«Siońnia adbyłasia sustreča pamiž staršynioj ABFF Siarhiejem Rumasam i biełaruskim trenieram Iharam Kryvušenkam. Vynikam razmovy stała damoŭlenaść ab pryznačeńni ajčynnaha śpiecyjalista na pasadu hałoŭnaha treniera nacyjanalnaj zbornaj krainy ŭ jakaści vykonvajučaha abaviazki.
Dakumientalna adnosiny buduć aformlenyja ŭ bližejšyja dni», — havorycca ŭ paviedamleńni ABFF.
Raniej hałoŭnym trenieram zbornaj Biełarusi źjaŭlaŭsia Alaksandr Chackievič, jaki pakinuŭ svoj post u kancy minułaha hoda.
Siarod kandydataŭ na pasadu treniera zbornaj Biełarusi fihuravali proźviščy Leanida Kučuka, Mikałaja Pisarava, Alaksandra Baradziuka, Viktara Skrypnika i Valeryja Karpina.