Biełaruś prapanuje Litvie razam pravodzić mierapryjemstvy ŭ honar supolnych histaryčnych padziej
Biełaruś i Litva mahli b razam pravodzić mierapryjemstvy ŭ honar ahulnych histaryčnych padziej i viadomych dziejačaŭ. Pra heta zajaviŭ nadzvyčajny i paŭnamocny pasoł Biełarusi ŭ Litvie Alaksandr Karol u intervju haziecie The Baltic Times, paviedamlaje BIEŁTA.
Biełaruski dypłamat adznačyŭ, što krainy majuć patencyjał dla pašyreńnia ŭzajemadziejańnia ŭ halinie kultury. «Na našu dumku, heta praviadzieńnie sumiesnych mierapryjemstvaŭ, pryśviečanych ahulnym histaryčnym padziejam i viadomym dziejačam kultury, jakija pakinuli značny śled u historyi dźviuch dziaržaŭ, a taksama znajomstva z novymi kirunkami i imionami ŭ hetaj śfiery», — skazaŭ Alaksandr Karol.
Razam z tym, pasoł adznačyŭ, što dziaržavy daŭno viaduć dyjałoh u kulturnaj śfiery. Rehularna prachodziać Dni biełaruskaj kultury ŭ Litvie i Dni litoŭskaj kultury ŭ Biełarusi. Naładžanyja ciesnyja kantakty pamiž muziejnymi, teatralnymi, biblijatečnymi ŭstanovami dźviuch krain.