ŚMI: Rasija paprasiła Zachad zapłacić za adnaŭleńnie Siryi
Rasija paprasiła zachodnija krainy vydzielić miljardy dalaraŭ na adnaŭleńnie Siryi, paviedamlaje Financial Times sa spasyłkaj na zamiežnych dypłamataŭ.
«Jany (Rasija) pryjšli, naviali biesparadak, usio razburyli i ciapier chočuć, kab my za heta płacili», — skazaŭ vydańniu jeŭrapiejski dypłamat.
Pa słovach surazmoŭcaŭ vydańnia, na minułym tydni namieśnik ministra zamiežnych spraŭ RF Michaił Bahdanaŭ na sustrečy pasłoŭ ES zajaviŭ, što pytańnie adnaŭleńnia Siryi stanie hałoŭnym na paradku dnia.
Na adnaŭleńnie Siryi mohuć syści dziasiatki miljardaŭ dalaraŭ, i Bahdanaŭ dadaŭ, što ad Rasii ŭ hetym pytańni «nie varta čakać ničoha», adznačyli krynicy vydańnia.
Čakajecca, što hetaje pytańnie buduć abmiarkoŭvać na pieramovach pamiž uradam Siryi i apazycyjaj, jakija prachodziać pad ehidaj AAN u Ženievie.
Inšyja krainy, chutčej za ŭsio, adkinuć rasijskuju inicyjatyvu, tamu što ličać Rasiju adkaznaj za razbureńnie bujnych haradoŭ, takich jak Alepa.