Pieratrus u štab‑kvatery Maładoha frontu

Supracoŭniki KDB i milicyi uviečary 21 lipienia ŭvarvalisia ŭ mienskuju štab‑kvateru niezarehistravanaj arhanizacyi, jak tolki tam skončyłasia pasiedžańnie ŭpravy.

Supracoŭniki Kamitetu dziaržaŭnaj biaśpieki i milicyi uviečary 21 lipienia ŭvarvalisia ŭ mienskuju štab‑kvateru niezarehistravanaj arhanizacyi Małady Front, jak tolki skončyłasia pasiedžańnie ŭpravy hetaj arhanizacyi.

Pra heta radyjo Svaboda paviedamiła namieśnica staršyni Maładoha Frontu Nasta Pałažanka.

Niekatorym aktyvistam udałosia syści, a niekalki čałaviek zastalisia ŭ ofisie. Supracoŭniki KDB pačali pieratrus. Jany vynieśli z ofisu bolš za paŭtara dziasiatka pakunkaŭ ź litaraturaj, ulotkami, nośbitami infarmacyi, pravieryli ŭsie kamputary i zabrali niekatoryja systemnyja bloki.

Pa skančeńni pieratrusu supracoŭniki KDB zapatrabavali, kab Nasta Pałažanka i dvoje jaje paplečnikaŭ pajechali ź imi.

Luboŭ Łuniova, Radyjo Svaboda

Kamientary da artykuła